Поплава од тужби

Во петок во 9.30 локално време, на Астроворлд фестивалот 9 луѓе загинаа, а 25 се во болница со сериозни повреди, од кои најмладата жртва е 10 годишно дете (кое татко му го кренал на рамениците за да го спаси, но се онесвестил и двајцата паднале, по што биле изгазени).. Денес веќе има 20на тужби против Live Nation, Travis Scott, па дури и Drake. (животите во Македонија не вредат ништо? Или луѓето се дотолчени за да удрат по џебот на убијците на своите најблиски?) Трој Финер, од Хјустонската полиција, кажал дека сега имаат истрага во која се вклучени одделот за убиства, и наркотици. Во превод: Не само што ќе изгубат 10ци милиони долари во отштета, туку е веројатно да сносат кривична одговорност. Травис Скот во меѓувреме се понудил да ги плати погребите, и трошоците за помош околу справување со тагата и траумите, и ги откажа концертите со објаснувањето – дека е многу потресен за да настапува. Се јави и Кардашијан кланот, кој изрази сочувство но и нагласувајќи дека се во шок како сите останати. Фактот дека дел од сестрите присуствуваа на концертот, среде гужвата но заштитени од обезбедување и качени на платформа, дополнитено ги разгневи луѓето на интернет, велејќи дека оддавале слика како да присуствуваат на гладијаторски борби и дека се забаувале со несреќата на другите. Ако треба да се оценува според нивните реакции од снимките – Кајли и мајка му на Травис Скот изгледаа озбилно и загрижено, додека другите во сепарето се чини дека не забележувале што се случува, или не сакале да забележат(несреќата се случи во ВИП секцијата)..