Дојдете со мене, да стоиме на дождот од клаузулите и подклаузулите во подмолна нова книга на Боб Дилан, „Филозофијата на модерната песна“.
Дилан ја има заокружено со 66 песни, од „Mack the Knife“ на Боби Дарин и „There Stands the Glass“ на Веб Пирс до „Don't Let Me Be Misunderstood“ на Нина Симон и „London Calling“ на Клеш, и тој рифува на нив.
Овие рифови, кои тој ги прелистува како тарот карти низ далечен кактус, звучат многу како текстовите на неговите песни, толку многу што дел од мене сакаше ова да биде нова плоча наместо тоа, сакав да ги слушнам овие стихови како крекаат од белите дробови 81 годишниот Дилан и покрај неговата ранета, бодликава увула.
Еве два избора, избрани половично по случаен избор:
Оваа песна те шутира на земја, и пред да станеш, повторно те клоца. Ова е материјалот за кој треба да се живее, и како го осмислувате сето тоа. Ова е човештвото создадено во ликот на љубоморно божество. Ова е татковството, богот на ѓаволот и златното теле - побожниот човек, љубоморното човечко суштество. Овој начин на живот е целосно конфронтативен начин на живот, неговите подеми и падови, она што всушност е. Вистина за која нема потреба од доказ, каде што секоја потреба е зла потреба. Ова е балада за нечуена љубов.
Оваа песна е за хипокризија. Удирање и бегање, касапење и истребување, преземање на главната награда и завршувајќи прв. Потоа е за да се биде великодушен, закопувајќи ја секирата, извинувајќи, бакнувајќи и проштевајќи. Се работи за лукаво снаоѓање.
Првиот пасус е за „Ел Пасо“ на Марти Робинс; вториот, „Everybody Cryin’ Mercy“ на Моузи Алисон.
Скоро сите записи звучат вака - тие се оркуларни. Дилан шета низ оваа книга фрлајќи клевети, сечејќи исушени рози, повикуваат пцости, роварат по својот следен оброк, без насока кон дома, криејќи се по споредните улички(упс, погрешен пејач), бијат по ѕвоната , не говорејќи лаги сега.
Кој друг звучи вака? Дилан го отвора американскиот живот под папокот; боцка по утробата; тој извлекува многу од овие песни. Тоа е тотална војна против гужвата, и е сосема супер, освен кога не е. Тонот станува репетитивен. Во многу од случаите, можете да ги префрлите коментарите на Дилан, да ги примените на различни песни и да не ја препознаете разликата. На крајот изгледа истрошен; Тој го довикува дел од јазикот.
Продолжуваш да читаш затоа што тоа е Дилан, затоа што секогаш има морничава мала бензинска пумпа, индијанско казино, патувачки проповедник или сифилична стара госпоѓа зад следниот агол. Сакате да знаете во каква состојба е состојбата на Дилан.
Боже, оваа книга е итра. Зборувајќи за „Key to the Highway“, песната на Little Walter, на пример, тој го криумчари овој коментар: „Добив многу клучеви од различни градови, но никогаш не сум се обидел навистина да извршам увид се́ уште“.
Дилан е беспомошно епиграматичен. „Без разлика колку столчиња имаш, имаш само еден газ“, пишува тој. За песната на Шер: „Циганите, скитниците и крадците лесно можат да бидат одговорот на прашањето: „Именувај три типа на луѓе со кои би сакале да вечерате“
Хуморот во „Филозофијата на модерната песна“ се сопнува, доволно често, во целосен гаслајтинг. Во делот за кројачот Нута Котљаренко, a.k.a. Нуди Кон, и неговите облеки по мерка, прекриени со украсни кристали, на пример, Дилан ни кажува дека Нил Армстронг бил погребан во одело на Нуди и дека самиот Нуди настапувал на Гранд Оле Опри во „јармулке од 10 литри“.
Тој пишува дека сините антилоп чевли на Карл Перкинс можат да разрешат злосторства и да лоцираат изгубени предмети. Тој се прашува дали „On the Road Again“ на Вили Нелсон можеби ќе беше подобра со стихови за „доза на гонореја која беше упорно отпорна на антибиотици, и која што се рашири низ екипажот после свирка во Ново Мексико“.
Тој сугерира дека „My Generation“ на Who се пее од перспектива на 80-годишен маж во старечки дом, дека Рики Нелсон, а не Елвис бил вистинскиот амбасадор на рокенролот и дека „Come On -a My House“ на Роузмари Клуни е за масовен убиец педофил. Има и анализа на верзијата на Бинг Крозби на „Whiffenpoof Song“ на Yale.
Понекогаш само се надевате дека се шегува. Како што истакнаа другите критичари, оваа книга има женски проблем. Само четири од овие 66 песни се од жени. Постојат чудни аргументи во корист на плаќањето за секс („Тоа не е совршена љубов, но е помалку проблематично“) и плуралниот брак (тој вели дека и жените треба да учествуваат).
Речиси секоја жена, во која било песна што ќе ја спомне, тој ја опишува како „пеколна мачка“ или „топлокрвна сексуално изгладнета женска“ или „коза“ или „лисичеста блудница“ или „вамп“ или „ шоугерла - спонзоруша “ или „мамка за волци на мескалин“. Во борбата да се биде фер кон Дилан, во универзумот на оваа книга, и во повеќето од овие песни, мажите со кои се соочуваат нараторите не се ништо подобри - sugarless daddies* (* татковци без шеќер - буквален превод. sugar daddy(шеќерен тато) се повозрасни мажи кои економски помагаат и купуваат поклони на помлади девојки), џекови забунети за кралеви. Нивните лични заменки се изгорени кибритчиња.
„Филозофијата на модерната песна“ е речиси со големина на книга која се изложува на масичка за кафе. Тоа е уметнички режирано до крајните граници. Фотоистражувачот ги заслужува сите најдобри легални дроги за Божиќ. Исполнета е со винтиџ филмски кадри и насловни страници на списанието Life и реклами за автомобили и палп детективски слики, некои поумни од другите, тип на нешта кои што може да ги најдете на ѕидовите на самосвесни ретро ресторани.
Ја почитувам работата што е вложено во нејзе, но фотографиите понекогаш правеа гужва која ме туркаше надвор. Треба да има две опции на мекиот повез- една што наликува на мала, кревка молитвена книга, објавена без шик, која воопшто нема слики, која изгледа како некој да ја оставил да стои предолго на сонце.
Ова е прва нова книга на Дилан откако се појави „Хроники: Том еден“ во 2004 година и откако ја доби Нобеловата награда за литература во 2016 година. Посветена е на Док Помус, со посебна благодарност, меѓу другото, на „целата екипа во Данкин Крофните“.
Нема филозофија, навистина нема, во „Филозофијата на модерната песна“. Но она што сепак има е, ненамерно, прикажано многу учење . Се чини дека Дилан ги знае сите снимки, секоја кавер верзија и секоја изведба на YouTube на секоја песна што ја дискутира.
Мојот прв импулс беше да направам плејлиста со песните од книгата, но тоа е веќе направено, неколку пати, на Spotify. Треба да се слуша надвор, со звучници поврзани и поставени на гранките на дрвја.
Оваа книга е за гениј кој препознава нефилтрирана генијалност кај другите, кога може да го најде. Доволно често тоа е аргумент за едноставност. „Уживајте во вашата слободно одгледана, натопена со ким, попрскана со црвен пипер, семејна оставштина од редукција“, пишува Дилан. „Понекогаш е подобро да се има само сендвич со салама и да завршиш“.
ФИЛОЗОФИЈАТА НА СОВРЕМЕНАТА ПЕСНА | Од Боб Дилан | Илустрирано | 339 стр. | Симон и Шустер | 45 долари
Двајт Гарнер е критичар на книги за New York Times од 2008 година. Неговата најнова книга е „Гарнеровите цитати: модерна разновидност“.
Comments