Тексас го стави во ефект „Тексашки акт на срцебиење„ после шест недели. Доколку личност се одлучи на абортус (во овој период многу жени не се свесни дека се бремени) ќе биде забрането. Звучи поетично, емотивно но е груба манипулација. Американскиот колеџ на обстретичари и гинеколози кажаа дека терминот „Срцебиење е лага, во овој стадиум она што е детектирано е порција на ткиво кое допрва би било срцето, како се развива ембрионот„. Тексашкиот нов закон има необичен, но убаво смислен пристап. Им дава моќ и финансии на граѓани, физички лица во македонската терминологија, да гонат било кого што извршува, но и кој „помага и овозможува илегални абортуси„. На пример, другарката или член од семејство кој би ја возел жената на процедурата.
Зошто е вака формулиран? Бидејќи лоби групите кои влечат корени во култови, екстремистички религиозни групи се исклучително мотивирани да се занимаваат со овој тип теми, и со тоа да си ги промовираат догмите.
Еден пример е сајт кој се нарекува себе „Свиркачи„. Прикачил формулари за да охрабрува луѓе да цинкарат жени кои се одлучиле на овој чекор, со цел потоа да ги малтретираат. Тука настапува Sean Black, тиктокер кој првично преку видео на апликацијата охрабрувал да го спамираат сајтот со лажни дојави. Но, не застанал овде, и ја развил идејата. Направил бот кој поднесува лажни дојави секои 10 секунди. Кога му ја банирале IP адресата, имал поднесено 300 приговори. По сето ова направил IOS кратенка која сите можат да ја користат и автоматски да поднесуваат лажни пријави, кои дури користат локални поштенски кодови за дополнителна наводна автентичност, што би направило невозможно да ги разликуваат автентичните од бот пријавите. Практично им го срушиле механизмот на цинкарење. 5000 луѓе од средата до сега пристапиле на шорткатот. Други активисти го поплавиле сајтот со мемиња.
Кимберли Шварц гласноговрничката на „Право за живот„ рече дека тие „ги очекувале овие реакции и биле подготвени за сите тролови кои би дошле на сајтот„ ... Мхм, сигурно...
Засега сајтот ставил капча за заштита, а Black кажува дека работи да ја надмине сопката.
Други знаменити тикток активисти се к-поп фановите (корејски поп), најчесто на возраст помеѓу 12 и 16 години, кои се прилично наапани на политички теми. Добија глобален аплауз откако откупија пола сала за митинг на Trump, која остана полу-празна... Знаеме дека тоа го болеше...
コメント