Почетна » Рецепти » Посна храна » Пита со тиква од готови кори

Пита со тиква од готови кори

Посна храна

Во македонската кујна која изобилува со вкусови и бои, тиквата зазема важно место, и тоа е добро, затоа што е вкусна и здрава, и печена, и варена, и во оваа едноставна посна штрудла-варијанта.

Состојки:

500 грама кори

700-800 грама рендана тиква

250 грама сецкани ореви

150 грама шеќер

масло по потреба

Постапка:

Тиквата се ренда, (за полесно рендање, можете прво малку да ја обарите) па се додаваат исечканите ореви, шеќерот, циметот и се добро се измешува.

Од готовите кори, првата се прска со масло, па врз неа се става уште една, и пак се намастува. Потоа ставете трета кора, и на неа намачкајте од филот. Завиткајте ја во ролат, и ставете ја во тавата за печење.

Постапката се повторува додека не ги потрошите корите и филот. Се сече на парчиња во големина која вам ви одговара.

Се пече 40 минути, на 180 степени, додека одгоре не добие златна боја. Изладената пита можете да ја попрскате со шеќер во прав.